السلام عليكم ورحمة الله وبركاته
طبعا بعد ما كلنا شفنا قصة حياة باربى ونالت اعجابكم
ولقيت الطلب على سنووايت
محبتش احرم الجماهير من حاجة
تبدأ القصة
بإن الحج أبو سنووايت والحجة أمها اتجوزوا
طبعا زى ما شفنا الحجة ام سنووايت كانت حلوة
فقعدت تدعى ربنا يارب يارب اخلف بت مزة زيي
لحد ما خلفت بت وسمتها بياض الثلج عشان كانت بيضة اووووى وحلوة
وبعد ما خلفتها اتكلت على الله
فالحج ابو سنووايت ما صدق
وراح اتجوز واحده تانية
كانت فاكرة نفسها بقى احلى واحده فى الدنيا
بس كانت كل ما تسأل المراية تقولها ان سنووايت احلى منك
فكانت تتغاظ بقى
فطردت سنووايت فى الشارع
وقعدت تعيط بقى وسط الحيوانات
فقابلت الاقزام
وراحت قعدت معاهم
وكانت تطبخ لهم وكده
بس برضو مرات ابوها فضلت متغاظة من سنووايت
فقالت تقتلها وتخلص منها بقى
فراحت لها بس فى شكل ست عجوزة
وادتها تفاحة فيها سم
وسنو وايت علشان ام الطفاسة كلت التفاحة
فتعبت جامد بقى التفاح وقف فى زورها
والاقزام كانو زعلانين خالص وحاولو يصحوها
بس محدش منهم فكر يبوسها علشن بيقرفوا
وجه الامير من بلاد بعيده
شافها فحبها
فإضطر يبوسها علشان تصحى
وطبعل كل اللى هيا بتعملو ده دلع بنات
فما صدقت
وصحيت زى القردة
وطلب ايديها للجواز
وهيا طبعا ما صدقت
فنفضت للاقزام ومشيت مع الامير
واتجوزوا وعاشو فى تبات ونبات