اللى يخوؤؤنـ علشـ،ـانك هييجيـ يوم ويخونـﮛ
عفوا ً حياتي بابتعد عن لياليك
برحل حياتي والندم في عيونك
اسمح لي أبكي واشتكي منك واشكيك
محلاه دمعي لا اشتكى من طعونك
ياعمري الي ما انخلق من يساويك
ياعمر وافراحة يتامى بدونك
نبضات خفاقي تغرد بطاريك
وترقص على تغريد نبضي شجونك
إذكر حبيبي يوم تبكي وانا ابكيك
يوم الدموع الي بعيونك تخونك
اذكر ليالينا وضحك وغاليك
اذكر عيون ٍ وافيات ٍ تصونك
ليت الزمن يعود ويرد ماضيك
اشتقت للضحكه وحشني جنونك
لكن أبرحل واترك الهم يطويك
وتعيش بالدنيا أسير لضنونك
برحل وابترك لك بقايا أمانيك
غدرك عذاب ٍ حال دوني ودونك
وخل الرفيق الي غدر بي يسليك
واذكر ترى من خان لجلك يخونك