انا نفسى اشوفها تانى
انا نفسى اخرج من احزانى نفسى انسا الهم ثوانى
انا نفسى اغمض عينى وافتح اشوفها قدامى اشوفها لو لثوانى
انا مش قادراعيش وحدانى نفسى يتغير قلبى بقلب كل امانى
انا نفسى اشوفها تانى
عدت سنين عليا من يوم ما راحت نورعنيا لا عمرى نسيتها لحظه
ولا غابت عن خيالى ولاحتى صورتها غابت فى يوم عنى احلامى
هفضل على طول فكرها بجد كتر خيرها تعبت معايا كتير
لازم ارد الجميل لو حتى بالقليل لو حتى بكلمتين جواهم دمعتين بيقول وحشانى كتير
انا نفسى اشوفها تانى
دى كانت ليا الحنان دى كانت هى الامان دى كانت بتدعيلى وقت الصلاه والاذان
انا نفسى اشوفها تانى
دى كانت حب عمرى دى كانت الغاليه امى راحت بعيد عنى القدر خدها منى خدها
خدها غصب عنى ويارب اشوفها تانى
انا نفسى اشوفها تانى
دى اللى ياما ضحت عشانى واللى ياما سهرت ليالى مشغوله بيا وبحالى
وبتهون عليا اى شئ يجرالى وبفرحى ديما فكرانى وفى حزنى على طول سبقانى والله ياحبيبتى وحشانى وانا مهما اقول واعيد مش هقدر اوصف انا حالى روحتى انتى
وراح معاكى كل شيئ غالى راحت البسمه والفرحه وفضلت ليادموعى و احزانى
انا نفسى اشوفها تانى
انا لسه فكرك ياامى والفراق بيهدنى فكرك ياامى والدموع بتهزنى
فكرك يا امى ولسه حاسس بروحك بضمنى
ونفسى اشوفك تانى
الأربعاء يونيو 23, 2010 10:31 pm
